pa'i sgo gsum lha sngag ye shes kyi rol par byin gyis brlabs/ thun min slob bu 'ga' la slob bshad stsal/ mkhan chen dam pa'i dgongs rdzogs bu ston bka' 'bum gsar bzhengs mdzad pa sogs bsod nams kyi tshogs rlabs chen bsgrubs/ khri'i 'gan bzhes khang sar la phul nas/ dam pa nyid bod chen po'i skye rgu rnams kyi bsod nams kyi mgron du pheb/ stod smad du zhabs bkod pas skye 'gro thams cad la gang la gang dgos kyi chos sbyin bla na med par stsal bas kun gyi rgyud smin grol la bkod par mdzad/ khyad par 'jam pa'i dbyangs mi'i srid pa bzung ba mkhyen brtse'i dbang po'i zhabs dang / zhabs drung nam mkha' rgyal mtshan/ 'jam mgon ngag dbang yon tan rgya mtsho rnams las sgrub thabs kun btus sogs zab chos du ma gsan/ lhun grub steng du sde dge chos rgyal yab sras rnams la 'dod chos dang / bla ma chos rje'i rigs/ dge 'dun gyi sde rnams la ngor lugs dkyil 'khor bdun sogs dbang / byin rlabs/ rjes gnang rigs dpag med gnang / lhag par rgyud sde gsum pa rnal 'byor rtsa bshad cha mthun gyi rgyud las bstan pa'i dpal rtse dbyings gsum sogs kyi dbang sum cu tsam gyi rgyun 'chad la nye ba na kho bo la lung bcas yongs rdzogs su stsal te rgyud sde rin po che kun las btus pa'i dbyig gi snying por bzhugs pas bstan pa'i srog mthud bka' drin ri ltar lci bar 'gyur/ skye rgu don gling du lam 'bras slob bshad kyi dga' ston rgya cher spel/ slar dbus gtsang du chibs bsgyur te jo shAka gtsos rten gsum rnams dang / skyabs mgon mchog /sa skya gong ma yab sras/ sa ngor gtsos dge 'dun gyi sde rnams la mchod 'bul rgya cher mdzad/ thugs sras gtsang paN chen rin po che/ zhabs drung rnam pa bzhi/ zhwa lu ri zur sogs bgrang las 'das pa bskrun/ rje bakhyen brtse'i zhal nas mkhan chen 'di'i sku tshe stod smad phal cher thar rtse rdo rje 'chang gi zhabs 'bring la brtson pas bla ma'i lam gyis grol ba'i skal ldan cig car ba yin ces gsungs pa dang / chags sdang phyogs lhung gi rnam rtog 'gag pa kun gyi mthong snang du grub pa 'di'ang ngo mtshar gyi gzhi gcig tu rtogs/ mnyam rjes kun tu 'khor 'das dbyer med kyi lta ba'i rol pa las nam yang mi 'da'/ dgung lo drug cu bzhes pa na sems can rnams kyi las bdag gir bzhes pa'i don ston pa'i phyir/ spyan gyis mi gzigs pa'i tshul bstan kyang / thugs dam zab mo la rtse gcig tu bzhugs pas nyams rtogs kyi yon tan nyi zla ltar gsal zhing gong 'phel du bzhugs pa'i ngang sku tshe dang sgrub pa mthar phyin/ dgung grangs drug cu rtsa lnga pa lcags glang lor 'da' kha ma'i rnal 'byor la brten nas ngo mtshar ba'i ltas dang bcas pas zhing gzhan du gshegs pa'i tshul bstan pa sogs rnam thar rgyas pa kho bos logs su bgyis pa las rtogs par bya'o//
! gdan rabs nga brgyad pa ngag dbang blo gros snying po ni/ lo tsA ba lce khyi 'brug sogs dam pa mang po byon pa'i rigs brgyud du sku 'khrungs/ ngag dbang blo gros bstan 'dzin kyi sprul pa'i skur rol pas ngor phun tshogs khang sar du gdan drangs/ byams pa kun dga' bstan 'dzin drung du gtsug phud phul/ 'bri klog /chos spyod/ cho ga rigs/ rgyud chung bzhi sogs thugs 'dzin mdzad/ byams pa kun dga' bstan pa'i rgyal mtshan las sdom pa