gsum gyi bka' drin nos/ dam pa de nyid dang / ngag dbang bsod nams rgyal mtshan/ 'jam dbyangs shes rab rgyal mtsho/ dpal ldan blo gros rgyal mtshan/ gong ma ngag dbang 'jigs med dbang rgyal/ zhwa lu ri zur sogs dam pa mang po bsten nas snga phyir gsung ngag tshogs slob/ ngor dkyil bdun/ rdor phreng / sgrub thabs kun btus/ rdo rje phur pa/ sa skya bka' 'bum sogs dbang lung khrid rjes gnang byin rlabs skor mang du gsan/ kye rdor/ phur pa sogs yi dam mang po'i bsnyen sgrub mthar phyin/ zhabs drung skabs khams su pheb nas 'gro don mdzad/ slar dbus gtsang du bteg nas bal yul sogs stod mnga' ris skor gsum du byon/ gdul bya phrin las rgyas/ de nas ngor chen rdo rje 'chang gi chos kyi khri la lo bcu tsam bzhugs nas gsung ngag rin po che sogs bka' chos bsam gyis mi khyab pas skal bzang gi slob bu du ma yang dag pa'i lam la bkod/ sog yul du byon/ rdo rje phur pa'i sgo nas 'gro don rgya cher mdzad/ sku 'cham bzhes pa na bla ma rdo rje phur pa'i nyams gar du 'gyur ba bstan pa gdul bya'i 'dren byed kyi spyod yul du gyur pas skye rgu'i yid dbang dad spros g.yeng / dngos po'i me tog char du bsnyil bas 'brel tshad don ldan gyi phrin las bskyangs/ slar yang mdo khams stod smad du pheb/ gdul bya gang la gang 'dod kyi chos gsungs/ phrin las shin tu che/ rgyal chen rdo rje shugs ldan bran du 'khol bas gdug pa can sus kyang bka' las 'da' mi nus/ slar dbus gtsang du bteg nas mchod 'bul dang / gdan sar 'jags/ thub bstan yangs can mkhan pos zhus ngor ngag dbang mkhyen rab 'jam dpal snying po sogs 'dus pa mang por lam 'bras slob bshad mkhyen brtse'i khrid yig nas stsal/ gsung rtsom rigs sman chog dang / rdo rje phur pas khog phub pa'i sa bskang dang ngor bskang bsres pa 'jug bder mdzad/ ngag dbang bsod nams rgyal mtshan gyi 'dra sku gdung rten bzhengs/ slob ma mkhan chen ngag dbang mkhyen rab 'jam dpal snying po/ yangs can mkhan po/ skye rgu don gling dbon sprul/ sog po thog rgod rgyal po/ sde dge chos rgyal/ lhun grub steng shar nub chos rje/ mkhas dbang bla ma 'jam dbyangs mkhyen rab/ dbyar gnas mkhan po sogs zhal slob mtha' yas pa zhig mchis shing / da lta bstan 'gro'i dpal mgon du zhabs pad rdo rje'i chos su brtan bzhin pa'o//
! gdan rabs nga dgu pa ngag dbang mkhyen rab 'jam dpal snying po ni/ ngag dbang blo gros snying po'i dpon rigs su 'khrungs/ dam pa de nyid las sdom pa gsum gsung ngag rin po che tshogs slob sogs bum pa gang byo'i tshul du gsan/ khri chen 'jigs med dbang rgyal sogs dam pa mang po las dbang khrid lung sogs gsan/ dgyes pa rdo rje sogs bsnyen sgrub du mar bgyis/ e wa~M pa'i chos khrir phebs nas sdom pa gsum lam 'bras sogs sngar srol nyams med mdzad/ khams su byon nas sde dge chos rgyal sogs che rgu mang po'i mchod gnas mdzad/ khrom rdo dgon du phur pa'i sgrub mchod btsugs/ rdo rje phur pa kho nas 'gro don rgya cher mdzad/ bzo rigs rang babs su mkhyen pa lta bur mnga'/ da lta zhabs pad brtan cing bstan 'gro'i don chen mdzad bzhin pa 'di'o//
! gdan rabs drug cu pa ngag dbang kun dga' bstan pa'i rgyal mtshan ni/ thub bstan yangs can nye 'dab mkhan chen