[A:515]der gsol ba thob ces gsungs/ /dbu po ta lar phyogs shing ston pa mya ngan las 'das pa'i gzims stabs kyis zhi bar gshegs so/ /sku gdung mchod 'bul sogs gtso cher mkhan chen bsod nams dpal ldan gyis mdzad/ gzhan rjes kyi bya ba rnams ye shes phrin las la sogs pa nye gnas rnams dang / sa skyong chen po sogs nas mnga' zhabs kyi bla ma dge 'dun rnams dang / gtsang dbus grwa pa che grangs kyi mkhan slob dge 'dun la 'bul nod/ mang ja gral 'gyed sogs dpag med mdzad 'bul skyel rgya che ba dang / lhag par gser dngul la rin po che'i phra tshoms du mas spras pa'i gdung 'bum thog tshad dang / zangs gser gyi sku brnyan khyad du mtshar ba mchod rdzas rgya che ba bcas e waM pa'i dngul gdung lha khang du bzhugs su gsol zhing / zla ba re bzhin tshes bco brgyad la dus mchod kyi rten sbyor 'jags dang / dus ja'i rten sgar 'dzin go re len ye shes phrin las rjes 'dzin bcas pas gus bzhed mdzad de/ da lta bar rgyun ma chad pa yod pa 'di nyid dang / gzhan yang khams phyogs su gdung 'bum chen mos gtsos lha khang sku brnyan/ dus thang dus mchod rgyun ldan lo dus kyi mchod pa dkyil 'khor chen po'i sgrub mchod sogs/ gtso cher sa skyong yab sras dang / dad ldan gyi slob ma che bgres/ sbyin bdag rnams dang bcas so so'i blo dang 'tshams par stod smad kyi dgon gnas rnams su dpag tu med pa btsugs pa sogs mdor na rje bla ma nyid dgongs pa chos dbyings su rdzogs pa'i thabs