[A:516]mchog bla na med pa bsgrubs pa legs par mthar phyin pa nyid do/ /rgyas par rje rang gsung rgyun ltar/ mkhan chen tshul khrims dpal bzang gis mdzad pa sogs las shes par bya'o/ /mangga laM// //mkhan chen mtshungs med shes bya bzang po ni/ shab stod rje lung rgya mtsho'i gling du/ yab uryan zhes pa dang / yum brang ti pa'i dpon rigs dpal 'dzom zhes pa gnyis kyi sras su glang gi lor sku 'khrungs/ sku na chung ngu nas sku zhang mkhan chen shes rab rgya mtshos thar rtser blangs te yig klog sogs ci rigs pa bslabs/ rim gyis ngor pa'i chos spyod cho ga'i rim pa nas brtsams/ gzhung don bzhi sogs bslabs sbyangs mthar phyin par mdzad de/ mkhan chen lhun grub dpal ldan dang / slob dpon ye shes bzang po sogs las bslabs tshig rnams rim kyis nos/ /mkhan chen lhun grub dpal ldan dang / mkhas grub sangs rgyas phun tshogs sogs las dam pa'i chos mtha' yas par gsan/ bsnyen sgrub mthar phyin par mdzad de/ phag lor mdo khams rga stod du 'bul sdud la byon zhing / yar byon nas phag gi lor ngor gyi gdan sar 'khod/ e waM pa'i bstan par 'dzin skyong spel gsum gyi sgo nas dar zhing rgyas par mdzad/ gsung ngag lam 'bras gtsos zab cing rgya che'i chos char phab nas/ gser rnga nyi shu rtsa lnga sogs dang / dge 'dun la bsnyen bkur dpag med gnang ba ni dpal 'byor rnam thos kyi bu la 'gran pa byung zhes deng sang yang che