[A:519]sogs rig gnas mang po mthar phyin par mdzad gzhan yang rdo rje 'chang sangs rgyas phun tshogs sogs mkhas grub dpag tu med par brten te dbang lung man ngag zab cing rgya che ba gsan/ yi dam chos skyong gi bsnyen sgrub mang po mthar phyin par mdzad/ nyer gnyis pa me byi lor/ sa skya sogs gtsang phyogs kyi gnas chen rnams mjal ba nas bzung snga phyir/ lha sa/ bsam yas sogs dbus gtsang gi gnas chen rnams la zhabs bskor dang mchod 'bul rgya cher mdzad/ nyer gsum pa dbang phyug ces pa me glang lor e waM chos ldan gyi rdo rje slob dpon du mnga' gsol nas e wa~M pa'i sgrig lam kun spyod rnam par dag pa'i sgo nas bstan pa shin tu yar 'phel du mdzad/ nyer dgu pa chu mo lug gi lor/ gdan sa gong sogs kyi bka' phebs dang / 'di kha'i bla brang khag dang / grwa tshang rnams kyis gsol ba btab par brten mtshungs med shes bya bzang po'i rgyal tshab tu chos kyi khri chen po phebs te/ lam 'bras tshar dgus gtsos zab khrid/ dbang lung man ngag dpag med dang / khyad par gtsug lag khang chen por dge ba'i bshes gnyen sum brgya longs pa la/ grub pa'i slob dpon chen po a bha ya kA ra'i zhal snga nas bkral ba'i rdo rje phreng ba'i dkyil 'khor yongs rdzogs kyi dbang bskur bka' drin stsal ba sogs skal ldan gyi slob ma rnams zab chos dpag med kyis tshim par mdzad pas bstan pa'i srog shing chen por gyur to/ /brgyud 'dzin gyi slob ma