[A:525]nyams par bzhugs so/ /de'i bar rdo rje 'dzin pa chen po bstan 'dzin lhun grub kyis gtsos dpon slob bcu gsum tsam gyis/ he badzra gyi ras bris dkyil 'khor chen po sgrub cing mchod pa dang / gzhan yang mchod pa'i yo byad dpag tu med pas kyang mchod do/ /sku gdung zhugs 'bul gyi rim pa rnams mtshungs med chos kyi rje bstan 'dzin lhun grub pas mdzad cing / rjes kyi bya ba dgongs rdzogs kyi rim pa lam 'bras lha khang du sku brnyan dang / dus thang bzhengs pa sogs rje rang gi phyag mdzod dpal ldan lhun grub pas lhag pa'i bsam pa rnam par dag pa'i sgo nas legs par bsgrubs so/ /dus mchod yang zla ba re bzhin nyer drug la da lta bar gdan sa rim byon rnams kyi 'dzin gras bka' drin che 'dug kyang / dus rten zhig med na dus mchod rgyun bsring dka' zhing slad ma'i gdan sa rim phebs rnams 'dzin gras 'o brgyal ba bcas/ bdag dge slong dpal ldan chos skyong gis/ ldan sa dkar du sgar gzhi gsar 'dzugs dang bla brang phyag mdzod ja 'khor drug ma brgya tham par sbyor 'jags zhus// //bdag cag gi 'dren pa dam pa mtshan brjod par dka' ba khyab bdag rigs brgya'i mgon po byams pa bsod nams bzang po 'di nyid ni/ nges don du byang chub sems dpa' sems dpa' chen po ma pham pa nyid/ zhing 'dir rang cag gdul bya rnams kyi blo mthun par rigs rus kyi sku 'khrungs pa'i tshul bstan pa'i yul ni/ gtsang rong gi gling ma kha zhes pa gdung rus 'gro mgon