[A:534]kyang phebs par gyur tshe/ de nyin nam mkha' mdangs gsal zhing nyi ma'i dkyil 'khor dngas pas 'od zer gyi dra ba phyogs bcur khyab pa dang / bser bu'i rlung gis rdul kyang med par thams cad kyang thugs spro zhing / ya mtshan pa'i gtam gyis dus 'da' bar gyur/ rim gyis bla brang gi rtsis 'bul rnams zhus/ lo der stod smad kyi 'bul skyel mang rab dang / khyad par dge ba'i bshes gnyen mtshungs med dbon sangs rgyas ye shes pa phebs shing / rgyal ba'i bka' 'gyur rin po ches gtsos sku gsung thugs rten mchod pa'i yo byad 'bul nod brjod kyis mi lang ba phul/ rim gyis gsung ngag gi gtsos dbang lung man ngag du ma dang / bstan pa'i 'dzin skyong spel gsum zung 'brel du/ thog mthar dam pa 'di nyid kyi mdzad pas sku drin legs gsol du dad ldan pa bdag dpal ldan chos skyong can gyi/ skyabs mgon dam pa nyid zhabs pad yun du brtan phyir/ ji srid bar zla ba byung ngo cog gi tshes bcu bdun la dge 'dun gnyug mar gnas pa rnams la mang ja re'i rten du ngos nas bla brang rtsis sprod kyi thog tu spam sprod ja dngul dar ras rtsam nas sogs phon che ba dang / slar rgyab sor phan khang du ma 'ongs dus rten ja brgya dang nyi shu phul/ lo der chos 'chad nyan bstan pa'i 'dzin skyong phun sum tshogs pa gnang zhing / lcags sprel lor gdan sa/ sangs rgyas dpal bzang la mnga' gsol gyi rtsis sprad zhus nas/ phun tshogs khang sar du bzhugs gdan 'jags/ mgon 'dis gnyug mar gnas pa'i dge 'dun gyis mtshon/