[A:533] bstan pa'i sbyin bdag sa skyong sde dge bla ma kun dga' phrin las rgya mtsho chibs kyi kha lo dbus gtsang du bsgyur te/ chos grwa chen po e wa~M du phebs/ 'bul 'gyed bsam gyis mi khyab pa dang / dbang lung man ngag mtha' dag gsan nas mdo khams su chibs bsgyur skabs sde dger rdo rje 'chang bkra shis lhun grub zhing 'di'i gdul bya'i don re zhig rdzogs pas zhing gzhan du mdzad pa rgyun mi chad pa'i 'gro ba'i don la phebs pa'i skor sde dge nas brdzangs pa'i bang mi lha ldan du 'byor thog /de ga'i gdan tshab tu bdag dpal ldan chos skyong 'ong dgos kyi gnas tshul gzhung sa mchog tu zhus par mi dbang chen pos re smin gyi bka' shog phebs par brten e wa~M pa'i bla spyi thams cad nas thugs bzhed chig sgril gyis/ slar yang e wa~M chos khri ga la ba der phebs dgos par gsol ba btab pas thugs bskyed bla na med pas bstan dang 'gro la brtse ba'i sgo nas de 'phral zhal gyis bzhes te/ tha skar zla ba'i tshes bco lnga'i nyin bkra shis pa'i dus tshod nyi shar tsam la/ 'dus pa rgya mtsho'i dbus su rdo rje 'chang chen po'i khri la phebs te legs 'bul dang / de nas rim gyis gzims chung g.yab chen du mkhan chen dpon slob dang gzhung sa skya'i sku tshab bcas la zhal dkar 'bul ba dga' ston grub 'phral/ 'jig rten mgon po phyag na padma'i rnam 'phrul brtse chen kun dga' snying po'i dus mchod sa bskor la/ bdag dge slong dpal chos 'dus pa rgya mtsho dang bcas pa'i mchod pa'i rnam grangs du mas mdun bsus te rje nyid