[A:557]te/ thar rtser zur bzhugs mdzad pa'i phebs 'phral rgyal ba'i bka' bstan bcos 'gyur ro 'tshal tshang ma phyag tu 'byor ba sogs sku bsod rmad du byung zhing glegs shing gdong dar bzhugs khang kun dga' ra ba sogs khyad du 'phags pa'i bkur sti bcas mdor na mdzad pa dang 'phrin las bzang po bstan 'gro'i don la g.yel med du yun ring bzhugs pa mdzad cing sku tshe'i smad mya ngan las ma 'da'i gong lo bzhi lnga tsam nas mchog dman gang la'ang rtag pa mi 'dug cing / dus snyigs mar song ba'i chos dang 'jig rten gyi bya byed sogs dang / nye bar gdan sa 'di skor gyi sgrig lam kun spyod thams cad 'gyur zhing sngar shul mi gnas pa dang / dge 'dun rnams kyang thugs spyod 'tshubs la/ dam tshig gces spras chung ba 'di rnams sems skyo shas shin tu che bar 'dug gsungs/ sku dbon bgres gzhon gnyis dang rjes slob rnams la zhal chems lta bu'i gsung rigs kho nar mdzad cing / chos dang 'jig rten gyi bya bzhag dang / the tshom gcod dgos rigs nga la dris dang skyon med gsungs shing / skabs 'gar sa skya'i gdung brgyud sku mched 'di rnams la lam 'bras sogs dbang lung 'ga' zhig da dung dbul dgos bka' yang yang phebs rung bgrang bya'i stabs dgongs bzhed ltar 'bul mi thub 'dug pa'i sems las che/ gang ltar sa skyar mjal phyag la ma bcar na thabs mi 'dug gsung zhing / lcags lug zla tshes la sa skyar phebs/ gong ma rin po che bdag chen