[A:561]po zhig 'dzag cing dbu gtsugs nas zil pa phrom mer sku gzugs drang thal te song nas zhag gsum song ba dang dbu cung gug tsam las gdung cher yo ba sogs mi 'dug /gshegs pa de nub nas bzung kye rdor sgrub mchod lam zab bla mchod sogs rgyun ldan dang / gdan sa che la'ang bsag sbyang zhu rten dang gnas tshul sogs phul bar/ 'jam dbyangs mched nas kyang dgongs pa rdzogs pa'i thugs bskyed bla med gnang zhing / dam pa de nyid kyi zhal chems ltar/ sku gdung zhugs 'bul gyi rim pa dag dge slong dpal ldan chos skyong gi gus pas bsgrubs nas/ gdung rus rnams phyag len rnam par dag pa'i sgo nas btus te bla ma yi dam gyi sku brnyan dang sAtstsha sogs mang du bskrun/ gdung rus phal cher gdan sa nas bka' phebs ltar phul/ dgongs rdzogs kyi rim pa rgya che ba dang / e wa~M gtsug lag tu dgram rgyu'i dus thang gsar bzhengs/ dus ja rgyun 'dzugs sogs dang / khyad par sku gdung mchod rten gser dngul ra ma lug la rin chen du ma'i phra rgyan gyis spras pa thog tshad tsam bzo bkod ched du mtshar ba dang / lam 'bras su kha skong snang brnyan/ de dag gi mdun du mchod pa'i bye brag bsam gyis mi khyab pa 'bul ba sogs mdor na rnam dkar gyi phung po ji snyed zhig /dbon rin chen rnam gnyis nas legs par sgrub pa mdzad pa/ dam pa de nyid kyi dgongs pa chos dbyings su rdzogs pa dang / bdag gzhan sems can thams cad