[A:564] dpal ldan ye shes dga' ldan khri rin po che rab 'byams pa byams pa/ sa skya pa yab chen kun dga' bkra shis/ des sras kun dga' bsod nams rin chen/ kun dga' blo gros/ gcung mthu stobs dbang phyug /rdo rje 'dzin pa mtshungs med bstan 'dzin lhun grub/ shar chen blo gros grags pa/ rmor chen lha rigs gnas sar dbon rin po che/ spro lung pa chen po/ karma pa zhwa dmar nag /siddhi sprul sku rin po che/ 'bri gung zhabs drung rin po che/ 'brug pa thams cad mkhyen pa/ yongs 'dzin rin po che/ rig 'dzin smin grol gling pa/ khams rdzogs chen sprul pa'i sku sogs snga phyir dam pa bcu phrag gnyis kyis gsung gi bdud rtsi myong ba'i skal ba sbom por gyur zhing / dges rdor/ 'jigs byed/ ngan song sbyong ba sogs kyi yi dam zhi rgyas dbang drag gi bsnyen pa sbyin sreg bcu phrag gcig dang nyag ma lnga'i skor bgyis/ gtsang dbus tha dag gi gnas bskor gyi skabs su'ang slob ma dad ldan rnams su 'dod chos ci rigs pa'i sbyin pa byas/ rang lo nyer lnga'i skabs rdo rje 'dzin pa khu bo bstan 'dzin lhun grub zhing gzhan du gshegs pa'i sku gdung gi zhabs phyi dang mchod 'bul dgongs rdzogs kyi rigs rgya cher bsgrubs/ rang lo nyer lnga nas nyer brgyad kyi bar e wa~M du dge 'dun pa rnams su zhabs tog dang / chos kyi sbyin pa bgyis/ sa bya lor klu sdings pa'i shar chen gong ma'i dus rten du thar lam sgar 'dzin 'gro dgos tshul phebs pa ltar zhabs drung rin po che'i bka' dang len gyis song bar/ khu bo dam pa de nyid