[A:577]'dam las bskrun pa/ khang bu brtsegs pa sogs bzhengs/ gtsug lag tu gtan bzhag zangs ltib che legs spus gtsang bcu gnyis bzhag pa bcas thugs kyi dgongs pa yongs su rdzogs par zhus/ cung zad spro bas blta bar 'dod na rnam thar dad ldan dga' skyed la gzigs 'tshal// //dpal ldan dkon mchog yid bzhin nor bu gsum/ /mkhyen snyam yid la dran pa skal ba bzang / /dge legs snang ba 'phel ba rten 'brel gyi/ /chos nyid 'od gsal dkon mchog gsum la 'dud/ /yon tan mi zad pa'i gter mdzod rgyal ba kun dga' bzang po lta bus kyang / bla ma bsam 'grub rgyal mtshan gyi dris lan du/ nged kyi rnam thar mdor bsdus shig bskur gsung ba/ dkon mchog gsum la zhe nas skyabs su 'gro zhing / mdo sde mdzangs blun la snying nas dad pa rnyed pa tsam ma gtogs gzhan yon tan gyi khyad par gang yang med/ ces gsungs gda' na/ kho bo lta bu'i rnam thar 'god pa bzhad gad kyi rgyu las ma mchis kyang / mkhan chen byang chub pa'i bka' gnang gyen zlog ma nus pas/ dngos po'i gnas lugs cung zad brjod na/ bdag rin chen mi 'gyur rgyal mtshan yul bzhad chos su gser 'phyang zhes pa me mo bya'i lo/ pha shar chen dam pa'i rigs phun tshogs rab brtan dang / ma tshe brtan bu khrid gnyis kyi bur skyes/ mno mi shes pa'i skabs rnga rdung pa/ cha lang bkrol tshul