[A:593]bcas phebs bsu thog /lugs gnyis kyi bkod pa ji ltar dgos pa mdzad de/ lha ldan ri bo gru 'dzin du skyabs mgon chen po'i mjal phyag tu phebs/ gtso bo gong sa mchog dang / bka' mgron gyis mtshon tshang mas spyan rgyang bdag rkyen e wa~M ba'i bstan don lar rgya'i sngon gyi bka' bstan rim par rgyab gnon gtsang chod/ dngos po gya nom pa'i gnang sbyin sogs bka' drin stsal ba bcas sku bsod dang phrin las mi dman pa gyur/ bdag cag gis kyang 'bul spom sogs mi dman pa sngon phul grub kyang lha ldan du dngos mjal gyi thog la zhus/ slar yang ngor du phebs te/ rgyal ba gong ma'i ring lugs rjes su skyong ba'i lugs gnyis kyi sgo nas bla brang gi 'dzin grA'i skor sngar rgyun ltar gnang / de skabs dpal sa skya pa chen po nyi zla zung 'brel dbus phebs chibs skyod bka' drin che ba'i yar lam zhar ngor du chag phebs par/ chibs bsu/ ser phreng sogs kyi bkod gnang dang / bla brang nas gsol ston zur chas kyi rim pa/ dngos po'i 'bul nod chibs skyel bcas gra gang 'grig zhus par/ skyabs mgon mched kyang dgyes pa chen pos sgo 'phar bye pa'i legs lam phun sum tshogs par gyur/ mkhan 'di nyid nas dam pa du mar zab chos kyi rigs du ma gsan pa rgya che ba dang / kho bo cag la'ang rje btsun sa skya pa'i gdams pa khyad par can gsung ngag gi chos skor dang / gser chos kyi rigs dbang lung / rje gnang lung gi tshogs gang dgos phul/ gzhan yang dge tshogs ci che spel/ de lta bu'i byas byung rags bsdus 'di 'ang dge slong dkon mchog grags pas so// //mangga laM/