[A:59]gyis bstan te/ da lta sgam 'di na bzhugs te yi ge shar ma la rtsa ba mtshal gyis bris pa cig 'dug pa dran/ bgres po de 'das pa'i ro yang de nyid na bzhag 'dug pa snyam byed/ spyir skye ba bdun tsam dran no/ /byas pa rmis pa de khams pa sbal ston gam na 'dug pas gsungs pa rnams thos so/ /de nas mnal sad pa dang / sbal ston na re 'di 'dra gsung gin gda' byas pas dpe g.yengs pas po ti 'dug /tshigs bcad mi 'dug gsungs/ gcung pa'i de sdog ston sbu gu bya ba/ bla chen gyi tshad ma dang dbu ma'i stong thun chen mo bya ba gsan pa'i slob dpon cig yod pa de 'das nas de'i dpe cha khur gcig sa skyar bskyal zhes a po dar ma lcam zer ro/ /yang dgung lo sum cu so bdun lon pa'i dus na tho rangs mnal du song ba'i tshe/ slob dpon rin po che sku gshegs nas ring por ma lon pa'i gdung gseb nas sprang po che'i skad lta bu'i sgra cig par snang la 'thon nas/ khyod 'di nas byang phyogs su 'jig rten gyi khams du ma 'das pa na/ 'jig rten gyi khams gser 'dog can zhes bya bar de bzhin gshegs pa gser 'od rnam par rtsen pa'i rgyal po zhes bya ba'i bstan pa la/ da lta 'khor los sgyur ba'i rgyal po bsod nams mtha' yas zhes bya ba'i sras 'khor los sgyur ba'i rgyal po yon tan mtha' yas zhes bya bar 'gyur ro zhes sgra grag go ces gsung / yang dgung lo zhe dgu bzhes pa'i dus na ru mtshams su snga res byon pa'i mnal lam du/ ri chen po cig gi 'dabs na/ khang pa chen po cig gi 'og na/ mi mang po ku co dang / zing long dang / 'ur sgra dang / tsheg sgra dang / ngud mo'i sgra grag pa/ steng khang na yang mang po 'dug pa'i gseb na rje btsun rang yang 'dug pa la/ gzhan du gshegs par bzhed pas/ de nas bla ma chen pos khyod la lam gyi yi ge bstan gyis gsungs nas dbang bzhi