[A:73b]rtogs pa mnga' ba/ mngon shes mang du gsungs pa sogs don du gnyer na rnam thar che chung dang / gtsug lag khang bzhengs tshul rgyas par rten bshad kyi yi ger gsal lo/ /de ltar slob ma mang du smin grol la bkod/ 'gro don rgya cher mdzad de dgung lo drug cu rtsa bzhi pa rta lo la bya yul du gshegs/ de nas gzhi byes kyi grwa pa mang pas/ sku gdung bzhugs pa dang bzhu ba la ma 'chams pas/ sku stod rdo rgyus kyis pang khebs kyis dril nas/ sku smad bzhu phul bas spur dud kyis gang khyab tu ring bsrel 'byung ba dang / dung g.yas 'khyil/ sgrol dkar/ rnam rgyal mchod rten rnams byon no/ /sprul sku chen po la slob ma nyis stong re 'dus pa'i nang nas ting nge 'dzin skyes pa lnga brgya/ dge bshes jag rtse 'chang ba brgya dang bcu/ de'i nang nas grags che ba/ phyi'i chen po brgyad/ nang gi che po brgyad/ thugs kyi sras bzhi dang / rje sgam po par grags pa dwags po lha rje sogs pa byon pa'i/ phyi'i chen po brgyad ni/ mdo smon nas ngang tshang pa chen po/ grags mar chen po/ dwags por sha pa gling pa chen po/ lhor lha rgya ri ba dang / dge g.yel ba chen po/ stod lung du rnam par ba dang / nya ga mo pa chen po/ dkon mchog 'od zer/ gtsang du mus sman pa chen po dang brgyad do/ /nang gi chen po brgyad la/ khrom zher chen po 'brug lo pa/ mtshan rin chen 'od/ skam skam dang / brag par sogs dgon pa mang du btab/ don gcig bar bzhugs so/ /snyug grum