[A:74a]pa chen po ni/ snga phyi gnyis byung pa'i phyi ma yin no/ /mal gror bul pa chen po ni/ rus klog skya/ dgung steng yos/ mtshan dbang phyug rin chen/ bya yul ba chen po dang thog mar 'brom du mjal/ rgyal steng gi dgon pa btab/ don grub bzhugs so/ /sku 'jol pa chen po'am/ ba ngar ba chen por grags pas/ ba ngar gyi mchod khang bzhengs/ 'phan yul du rta pa zhang sgom chen pos rta phu'i dgon pa btab/ 'brom du bkra shis sgang pa chen pos smon grong gi dgon pa btab/ rgya mig mang pa chen po dang brgyad do/ thugs kyi sras bzhi'am lnga ni/ rgya par sgang nas/ rgya chen pos rgya par sgang gi mchod khang gsar rnying gnyis bzhengs/ 'phan yul char rje nas snub mchod nas/ dgon mkha' ru ba la gsum byon pa'i bar pa dang / gtsang pa rin po che dang bzhi/ sras lngar byed na/ sgyer sgom chen po gcig yin la/ dpe kha cig tu/ nang gi chen por bgrang pa yang snang bas/ mi 'dra ba cung zad 'dug kyang rnam thar gtso bor byas so/ /dwags po lha rje ni snying rje pad dkar du/ dge slong 'tsho byed ces bya ba theg chen pa 'byung / zhes lung bstan te/ 'khrungs yul mnyal bdo gnyer gnyi ba/ dbu rtso rgya la 'bar gyi sras su sa mo lugs la 'khrungs/ dgung lo nyer lnga la dwags por mar yul blo ldan dang / shar pa gling pa la rab byung bsnyen rdzogs zhus/ mtshan blo gros grags par btags/ bka' rgyud gser phreng du/ skya ming dar ma grags dang / chos mtshan bsod nams rin chen zer/ de nas