[A:85b]chub kyi sems gnas pa brtan pa/ sgyu ma lta bu'i ting nge 'dzin rnams 'dzom na/ sangs rgyas dang byang chub sems dpa' dpag tu med pa zhal gzigs pa chos nyid yin gsungs/ gzhan yang sgyu lus kyi rtogs pa brnyes pas/ rang lus mi g.yo ba'i skur ldang nus pa dang / mngon par shes pa rgya chen po mnga' zhing / dgon pa ba dang / sku mched gsum gyi gsung phyogs gcig tu bsgrigs pa'i bstan rim mdzad/ dgung lo don drug bzhugs/ gdung bzhus pas ring bsrel dpag tu med pa dang / lha'i spos kyi dris sne'u zur gyi gnas thams cad khyab pa sogs rnam thar du gsal lo/ /slob ma bdun brgya tsam byung ba'i nang nas grags che ba bzhi ni/ lha bka' gdams pa/ thag ma pa chen po/ byang sems zla ba rgyal mtshan/ dgun pa lha rje thugs rje rgyal mtshan rnams dang / gzhan yang gtsang nas grang po lung pa zhes 'phags pa don zhags dang / bcu gcig zhal gyi chos bdag tu byed pa dang / spyi bo lhas pa byang chub 'od ces grags pa rnams so/ /'di rnams bka' gdams gdams ngag pa gtso bor byed pas de'i phyogs su gtogs zhes yar lung jo bo'i chos 'byung du 'byung ngo / /spyi bo lhas pa la chos kyi rje sa skya paNDi tas rab byung bsnyen rdzogs kyi slob dpon zhus/ bka' gdams gzhung gdams ngag gi chos rnams gsan par/ rnam thar ngo mtshar snang ba las gsungs te/ thag ma pa'i slob ma/ nam mkha' seng ge yang stod lung thag mar byon/ de nas nam mkha' rgyal po/ seng ge bzang po/ rgyal