[A:87b]bsod nams sengge / rma bya rtsod pa'i sengge / rtsegs dbang phyug sengge / nyang ran pa chos kyi sengge / ldan ma dkon mchog sengge / gnyal pa yon tan sengge ste/ 'ga' zhig gtsang pa 'jam seng 'dren no/ /jo sras bzhi ni/ 'khon jo sras rtse mo/ rngog jo sras ra mo/ khu jo sras ne tso/ snyos jo sras dpal le rnams so/ /yang 'gar dbang grub/ kong po 'jag chung / lho pa sgog zan/ yar phu ba blo gros sengge bzhi la shes rab can bzhi zer/ gzhan yang 'jad pa ston skyabs/ rdo rje 'od zer la sogs pa sde snod 'dzin pa mang po dang / tshur phu ba grub thob dbu se/ zhang tshal pa/ chos rje phag mo grub pa la sogs pa mkhas grub du ma smin par mdzad pa'i nang nas/ rtsegs dbang phyug sengges gdan sa lo lnga/ de gnyis kyi slob ma gnyal pa dad pa bzang pos lo bdun/ 'jam rtse nas lo bdun byas/ 'di nas gling stod smad gnyis su gyes par 'dod do/ /smad pa la zad pa dar ma 'od dang / zad pa don grub gnyis kyis lo sum cu mdzad/ de nas slob dpon 'od zer mgon pos lo sum cu so lnga gdan sa mdzad pa la/ slob ma slob dpon shAkya gzhon nu/ don grub dpal/ kha rag pa la sogs pa byon pa'i shAkya gzhon gyis gdan sa mdzad de/ de nas rim pa ltar byon no/ /gling stod pa ni/ 'jam rtsi ni'i slob ma gtsang pa 'jam seng / de'i rjes su 'dzin ston zhus ston/ blo gros 'bar rnams rim par byon/ de nas slob dpon gnyal zhig 'on byang rdo nas spyan drangs te gdan sa