[A:95b]brda pa/ sgrol ma sngon mo'i bstod pa zhal gzigs dus su mdzad pa/ dzambha la dkar po'i bstod pa/ sman bla gtso 'khor gsum gyi sgrub thabs/ tshogs bdag dkar po'i sgrub thabs che chung gnyis/ mi g.yo ba sngon po'i sgrub thabs/ mgon po gri gug gi sgrub thabs/ rdo rje lcags sgrog gi sgrub thabs/ rta mgrin sho na bzhi bskor lha lnga'i sgrub thabs dang / dkyil chog jo bo bod du 'byon khar slob ma rnams la phyi chos su gdams pa/ rnam dag gtsug gi nor bu/ gzhan yang lha btsun pa byang chub 'od/ lo chen rin chen bzang po/ 'ol rgol pa ye shes 'bar/ zhang sna chung ston pa rnams la gdams pa dang / jo bos mdzad pa'i mdo bsdus chen mo/ dang po rgya dper lus pa/ zhang shar pa ba'i phyag tu byung bas/ pa tshab lo tsA ba/ gnas gzhi ya gad du spyan drangs nas bsgyur bar bshad de/ 'di rnams ni jo bos mdzad pa rtsod bral yin la/ gzhan yang bstan 'gyur gyi tho rnams su jo bo'i mdzad byang 'byar ba gtsug tor dri med dang / gdugs dkar sogs rgya gzhung mang du 'dug kyang 'dir ma bkod do/ /snye thang du mdzad par grags pa rigs kyi smon lam/ lta sgom spyod gsum gyi glu/ bsam gtan la bskul ba'i glu/ bde ba drug gi glu/ lta spyod zung du 'brel ba'i glu/ dus mchod bzhi'i ngos 'dzin dang phan yon/ bde mchog rgyud la bsten pa'i rlung gi man ngag gzhan yang stong thun brgyad bcu rtsa gnyis sogs mdzad byang 'byar ba mang du snang zhing / phal cher mdzad par mngon te/ 'dir dpyad pa zhib tu ma byas so/ /rtsa ltung gi 'grel pa sogs kha cig la yang / jo bos mdzad pa yin min/ bod snga ma