[A:96a]dag dpyad pa mdzad mod/ 'dir zhib tu ma bris so/ /bka' gdams glegs bam du gtogs pa la/ spyir dpe tshan lnga bcu nga bzhi las/ sbyor ba'i chos la dpe tshan bzhi ste/ 'brom chos kyi rgyal po nyid kyis logs su nan gyis gtad pa'i bka' rgya dang / rang rgyud bskul ma 'debs pa dad pa'i ljon shing gnyis/ sbyor dngos gnyis kar gal che la/ lo rgyus ngo mtshar rmad du byung ba'i dpal 'byor zhes pa glegs bam gyi chos 'byung dang / snying gi thig le'i gsal byed zung 'jug nyi ma'i thig le gnyis te dpe tshan bzhi po 'di glegs bam dngos gzhi la mi the'o/ /byang chub sems dpa'i spyod pa nor bu'i phreng ba ni/ dngos gzhi pha chos/ bu chos gnyis ka'i rtsa tshig yin la/ pha chos ni/ bla ma rnams la phyag 'tshal lo/ /zhes pa nas mang po'i nang du ngag la brtag gcig pur 'dug na sems la brtag ces pa'i bar le'u nyi shu rtsa gsum du bsdus nas gsungs pa'i steng du/ bka' rgya ma/ ma 'ongs lung bstan/ 'chi med rdo rje'i glu'i le'u dang gsum bsnan pas nyi shu rtsa drug dang / bu chos la/ the tshom thams cad spang bya zhing / /zhes pa las 'phros te/ bram ze'i khye'u gsal pa'i skyes rabs dang / de nas rim pa bzhin rtsa tshig las brtsams te/ rngog gi zhus pa'i skyes rabs nyi shu la/ rngog chos nyi shu dang / khu ston phebs nas zhus pa gnyis la/ khu chos gnyis te nyi shu rtsa gnyis bu chos yin la/ kha skong gi le'u ste bzhi bcu zhe dgu ni glegs bam dngos gzhi'o/ /rgyal ba yab sras kyi bkod pa phun sum tshogs pa'i gter zhes pa phyis snar thang pas byas par snang bas/ don bsdu