[A:97b]gsum dang / brjod bya bslab pa gsum/ gang zag gcig gi lam du lung rnam dag dang sbyar te 'gal med du ston pa bstan pa'i rim pa dang / de'i don theg pa chen po'i lam gyi rim par dril nas ston pa lam rim zhes gsungs pa yin no/ /yang stod lung pa nas brgyud pa'i bden gnyis/ bden bzhi'i chos skor dang / chos thun rer nyams len don tshan bzhi bzhir bsdus pa/ bzhi tshan chos thun bcu dgu ja chos chos thun lnga bcu dang / jo bos mang yul lcog ka ri la/ ljongs rgyu ba'i dus gsungs pa/ ri chos su grags pa dang / lam sgron la gong du smos pa'i Tikka dang / 'chim nam mkha' grags/ chu mig pa gnyis kyi Tikka/ gzhan yang gsung bgros bkod pa'i Tikka mdzad byang med pa mang du snang ba ni/ bka' gdams kyi bshes gnyen gong ma rnams bla ma'i gsung la zin bris tsam las/ mdzad byang mi sbyor ba dang / slob ma rnams kyis kyang bka' 'bum bsgrigs pa sogs cher ma mdzad cing / gsung bgros thor bu 'dug pa yang yun ring bas kha thor ba sogs ma spros so/ /gsum pa gsang phu ba nas brgyud pa la/ rngog legs shes mdzad pa'i lam rim shlau ka drug dang / de'i gsal byed blo ldan shes rab kyis mdzad pa shog bu nyi shu tsam dang / de nyid rgyas par 'chad pa gro lung pas mdzad pa'i bstan rim chen mo nyid yin no/ /gnyis pa gsung bgros thor bu ba'i skor la/ blo sbyong mtshon cha 'khor lo/ rma bya dug 'joms/ dgyes sgom rdo rje'i glu/ blo sbyong sems pa'i rim pa/ gser gling pas jo bo la gnang