[A:97a]byang seng gi bstan rim legs pa zhig kyang snang ngo / /snar thang pas kyang yig cha 'ga' re mdzad la/ kha rag skor gsum du dpal ldan dgon pa ba'i gsung bgros bsgrigs pa'i lam rim dang / gzhan yang gzhung pa brgyud pa'i gsung bgros mdzad byang med pa mang du snang ngo / /gnyis pa bshes gnyen spyan snga nas brgyud pa la/ dge bshes ston pa'i gsung / spyan snga/ bya yul ba/ gtsang pa rin po che rnams snyan nas snyan du brgyud pa/ rin po che glang lung pas bsgrigs pa'i lam rim dang / yang rnal 'byor pa nas stod lung pa chen po/ dge bshes lha bzo/ nya ga mo pa/ glang lung pa nas bla ma na rim gyis bstan rim chen mo la zin bris/ mdzad byang yod med mang du snang ba'i 'be sangs rgyas sgom pas mdzad pa'i zin bris dang / rin po che gser khang pa'i zin bris dang / rin po che tshul khrims dar gyi zhal snga nas mdzad pa'i bstan rim chen po nyid mchog yin no/ /de lta bu'i bstan rim de ni tshogs su 'chad na bstan pa'i rim pa/ nyams len du dril ba lam gyi rim pa/ gzhung du bkod pa byang chub lam gyi sgron ma ste/ don gcig la ming gsum btags pa dang 'dra gsungs pa dang / thar pa don gnyer gyi gang zag sangs rgyas kyi sar 'gro ba la bstan pa'i chos thams cad lam gyi rim par dril nas nyams su len pas lam bstan pa'i rim pa zhes gsungs pa ltar na/ khyad par cher med kyang / cung zad 'byed na/ chos khungs btsun par rtogs pa'i phyir/ thog mar lo rgyus dang / de nas brgyud pa rjod byed sde snod