[A:98b]sngas sne'u zur pa la dang po springs pa/ rjes su springs pa gdams ngag tshig drug ma dang / dge bshes dbang seng la springs pa/ bya yul ba nyer gnas mdzad dus gdams pa zer ba sogs dang / stabs ka bas mnga' ris rgyal po la springs pa/ sha ra bas rngog blo ldan la springs pa/ mchod gnas dbang nge la springs pa/ sha'o sgang pa la springs pa/ sgom chen sengge sku la springs pa sogs/ sha ra ba'i 'phrin yig sum cu rtsa bzhi/ gzhan yang dpal ldan dgon pa ba'i bca' yig po to ba'i bca' yig zhang ston shar ba pas snga phyir byas pa gnyis te dge 'dun spyi'i bca' yig bzhi'o/ /de rnams ni thos tshod tsam min par mthong ba rnams bkod do/ /bzhi pa man ngag gi skor la bka' gdams lha bzhir grags pa/ dam tshig gsum bkod kyi rgyud la rten pa/ thub pa gtso 'khor gsum bsgoms te/ de bzhin gshegs pa'i yig brgya bzlas nas/ sdig pa sbyangs pa dang / byang chub sems dpa'i ltung ba bshags pa/ gtsug lag khang bzhengs tshul sogs snang ngo / /spyan ras gzigs kyi skor la/ jo bos mdzad pa gong du smos la/ de'i gsal byed kyi sgrub thabs/ rdzogs rim/ las tshogs ma/ rnal 'byor lnga dang / dug gsum shad kyis sbyong ba'i man ngag zhi drag gi sbyin sreg sogs nyi shu tsam dang / sgrol ma'i skor la/ jo bo rgya gar nas bod du 'byon khar/ rdo rje gdan la skor ba mdzad pa'i dus/ sgrol ma nyid kyis gsungs pa'i bstod pa shlauka nyer gcig dang sbyar ba'i sgrub thabs/ las tshogs rnams dang / sgrol ma dkar