[A:99a]mo la/ jo bo'i gzhung dang rjes su 'brel ba/ ngag dbang grags pa dang / gser gling pa nas brgyud pa'i tshe khrid las tshogs mang ba dang bcas pa/ mi g.yo ba sngon po la jo bo'i gzhung dang / dpal ldan dgon pa ba/ gur gyi nya ga mor sgom mdzad kyin bzhugs pa la bar chad kyi mtshan ma byung ba/ jo bo la zhus pas/ nga la rnal 'byor srung ba'i man ngag yod gsungs nas/ mi g.yo ba'i dmigs pa skor gsum dang / sgrub yig che chung rgyud man ngag dang bcas pa rdzogs par gnang / kha cig sgrub yig che ba bya rgyud kyi nang gi mi g.yo ba'i rgyud la le'u dang las tshogs mang du yod pa 'di yin zhes zer/ sgrub yig bar pa sogs man ngag rnams/ dgon pa ba nas sne'u zur pa la brgyud pa dang / bya yul ba nas brgyud pa gnyis sgyer sgom la bzhugs pa sangs rgyas dbon la gnang / de'i gsung la rtogs ldan bzang mo bas zin bris su btab pa da lta yod pa 'di'o/ /mi g.yo ba bla med kyi rgyud/ phyis shud sgye lo tsA ba grags pa rgyal mtshan gyis bsgyur cing / dbang rgyud dang bcas pa byung ngo / /gzhan yang tshogs bdag dkar po la/ gser gling pa/ na ro pa/ kha che rin chen rdo rje rnams kyi rgya gzhung re/ jo bos mdzad pa gnyis dang lnga/ tshogs bdag gi skyes rabs/ gzungs ring / phyi sgrub/ nang sgrub/ gsang sgrub kyi skor/ gser gling pas jo bo la gnang ba dang / gzhan yang las tshogs le'u bco lnga pa dang / le'u sum cu so gcig pa rnams jo bos rnal 'byor pa/ des spyan snga pa/ des bya yul pa la brgyud pa'o/ /tshogs bdag dkar po 'di 'jig rten pa'i tshul bstan kyang / kha cig spyan ras gzigs kyi sprul par bzhed/