[A:10a]par dgongs nas bram ze chen po'i drung du phyag rten la bdud rtsi'i bum pa gang khyer nas byon pa'i lam du sngar lung bstan pa'i byis pa de rgyal po bde spyod bzang po zhes par gyur te des bdag gi mchod gnas su ma mtha' lo gsum bzhugs pa zhu zer nas gtong du ma nyan te lo gsum bzhugs nas rgyal po yab yum gyi don mdzad/ de nas dpal gyi ri la byon/ bram ze chen po la bdud rtsi'i bum pa phul bas/ khyed bdud rtsi la dga' na ngas rgya mtsho 'di yang bdud rtsir bsgyur bar bya'o gsungs nas/ skad cig gis rgya mtsho yang bdud rtsir byas so/ /de nas slob dpon yab sras dpal gyi ri la sgrub pa mdzad pas slob dpon gyis bden pa mngon sum du gzigs tshad ma'i skyes bur gyur nas/ 'dzam bu'i gling du seng ge'i sgra lan gsum du bsgrags te rigs tshogs/ bstod tshogs/ gtam tshogs sogs dang mdo kun las btus/ shes rab brgya pa/ gsang ba 'dus pa'i sgrub thabs mdor byas/ bskyed rdzogs kyi gzhung du ma/ gzhan yang rigs gnas thams cad la bstan bcos re re yang mdzad/ lo drug brgya bzhugs nas bstan pa ches cher gsal bar mdzad do/ /bdag nyid chen po klu sgrub la slob ma'i mchog arYa de ba zhes grags pa/ 'jam dpal rtsa rgyud las lung bstan pa de nyid/ sngon ston pa'i spyan sngar 'khor gyi nang nas byang chub sems dpa' lag na padmo zhes pas mu stegs 'dul bar smon lam btab cing / ston pas kyang rjes su gnang ba de/ sing ga la'i rgyal po'i me tog gi ldum rar padmo'i sbubs las 'khrungs pas/ rgyal po'i sras su bzung