[A:101b]dang dal 'byor rnyed dka' dang / /mi rtag rgyu 'bras chos la yid ches nas/ /theg chen lta spyod zung 'brel nyams len gyis/ /mi tshe skyel rnams bka' gdams bshes gnyen yin/ /mdor na tshul gnas thos bsam sgom pa sogs/ /sgo gsum dge ba che phra ci bgyid kyang / /phyi ma'i don du dmigs nas bsgrub pa la/ /bka' gdams gsung rab 'di rnams ches ngo mtshar/ /don gyi snying po dril na 'di lta ste/ /phyi ma mi bsam 'dir snang a 'thas kyi/ /mkhas btsun bzang por rlom pa mang na yang / /rang gzhan gnyis phung chos pa'i gzugs brnyan yin/ /des na sngon byon bka' gdams bshes gnyen gyi/ /rnam thar bzhin du sgo gsum dge ba'i las/ /ci byed 'jig rten phyi ma'i don chen du/ /dmigs nas sgrub 'di chos kyi srog rtsa lags/ /de ltar rgyal ba gnyis pa a ti sha'i/ /chos brgyud byung tshul ngo mtshar rgya mtsho 'di/ /phyogs 'dir rang nyid mos pa gtsor byas shing / /gzhan yang bstan dang 'gro la phan phyir sbyar/ /'di brtsams dge bas bdag cag dpon slob rnams/ /jo bo yab sras slob mar bcas pa bzhin/ /nam yang 'bral med bsam don mthar phyin nas/ /phyi ma lhan cig bde ba can bgrod shog ces dge ba'i bshes gnyen bka' gdams pa rnams kyi dam pa'i chos byung tshul legs par bshad pa ngo mtshar rgya mtsho zhes bya 'di yang / 'jam mgon grub pa'i 'khor lo bsgyur ba bsod nams dbang po'i zhal snga nas dang / yab rje sbas pa'i sangs rgyas sngags 'chang grags pa'i mtshan can dus gsum sgrib med du gzigs pa'i