[A:18a]ni mkha' 'gro mar gyur to/ /de'i tshe sgrub pa'i skal ba med pa rnams gzhan du dengs te/ mtsho de yang skam par gyur nas de'i shul du he ru ka rang byung gi lha khang zhes bya ba byon/ der ye shes kyi dpa' bo dang mkha' 'gro rnams bzhugs shing / de'i tshe phyag na rdo rje/ gsang ba 'dus pa la sogs pa rin po che zhun mas bris pa'i glegs bam de rnams dpa' bo dang rnal 'byor ma de dag la gtad do/ /de nas rdo rje theg pa rgya gar du dar ba'i tshul ni/ de'i tshe rgya gar lho phyogs o bhye sha na/ rgyal po bi su kalpa zhes bya ba mtshan nyid kyi theg pa la mkhas pa zhig bzhugs te/ de'i thugs dgongs la pha rol du phyin pa'i tshul 'dir/ las dang po pas 'dod yon spangs nas/ dka' thub dang dka' spyad kyis bslab pa gsum gyi lam bsgom ste/ nyon mongs spangs nas byang chub bsgrub par gsungs pa las 'dod yon la spyod bzhin du lam bsgom pa la 'bras bu 'grub pa/ de lta bu'i theg pa mchog cig dang mjal bar shog cig ces smon pa'i tshe/ rmi lam du mkha' 'gro mas/ khyod de lta bu'i theg pa mchog 'dod na/ 'di nas byang phyogs su phyin pa na/ dpal u rgyan gyi yul zhes bya bar he ru ka rang byung gi lha khang na/ dpal gsang ba 'dus pa la sogs pa'i rgyud sde rin po che rnams/ ye shes kyi mkha' 'gro ma rnams kyi bdag byas nas yod pas/ der song la zhus shig ces lung bstan no/ /der rgyal pos dpal u rgyan gyi gnas su byon/ he ru ka rang byung gi lha khang gi sgo bzhi la rim pa bzhin phyag dang / slar yang shar sgo nas phyag byas