[A:17b]'khor dang bcas pa bdag gi gnas 'dir gshegs su gsol zhes gsol ba btab pas/ bcom ldan 'das 'khor dang bcas pa der byon pa la mchod pa dang bsnyen bkur gyis mnyes par byas nas/ bdag kyang thams cad mkhyen pa'i lam la 'god par zhu zhes zhus pas/ khyim nas khyim med par rab tu byung la bslab pa gsum la slobs shig ces bka' stsal pa dang / bdag 'dod yon la spyod bzhin du 'tshang rgya ba'i thabs 'tshal/ zhes zhus pas/ ston pas sprul sku'i snang ba bsdus te/ dpal gsang ba 'dus pa'i dkyil 'khor sprul nas rgyal po indra bhu ti la sogs pa skal ba dang ldan pa rnams la dbang bskur/ dpal gsang ba 'dus pa'i rgyud bstan nas/ rdo rje chos la rgyud bstan par bzhed do/ /des na gnas u rgyan du sdud pa po phyag na rdo rjes/ dus bcom ldan 'das bzhugs pa'i dus nyid du/ sngags kyi rgyud sde mtha' dag bsdus nas/ rgyal po indra bhu ti 'khor dang bcas pa la gnang / de dag gis kyang dngos grub thob par gyur pas/ rang bzhin gyis grub pa'i dpa' bo dang rnal 'byor ma zhes grags shing / de nas u rgyan gyi yul de stong nas/ mtsho chen po klus gang ba cig tu gyur/ de nas yang phyag na rdo rjes rgyud mtha' dag glegs bam la bris nas/ mtsho'i klu de rnams la gtad de smin par mdzad pas/ de rnams rim gyis mi'i gzugs su bsgyur te/ mtsho'i 'gram du grong khyer byas nas/ rdo rje theg pa nyams su blangs pas phal cher grub pa brnyes par gyur to/ /skyes ba rnams ni dpa' bo/ bud med rnams