[A:19a]phyin par bya ba'i phyir 'phags pa klu sgrub la bstan pa gtad de/ spyod pa la gshegs so/ /de'i tshe mda' 'phen pa'i spyod pa mdzad de/ mda' legs par bsrangs na gnad du 'phogs pa bzhin du/ sems nyid gnas lugs kyi steng du bsrangs na grogs bar rtogs te rtogs pa mchog brnyes so/ /de nas sa ra ha ste/ mda' bsnun zhes grags la/ des rang gi rtogs pa'i don glur blangs pa/ do ha mdzod ces grags pa dmangs do ha yin la/ bod na rdo ha bskor gsum mdzad ces zer kyang / rgyal po dho ba dang / btsun mo dho ha ni bal po a sus kha g.yar nas byas par/ bal po na grags shes chos rje bu ston gsungs so/ /mthar dpal gyi ri la gshegs ste lo sum stong bzhi brgya bzhugs nas skal ldan gyi don mdzad ces 'byung ngo / /de'i tshe sangs rgyas mya ngan las 'das nas lo bzhi brgya song ba na 'phags pa klu sgrub byon te/ de'i rnam thar gong du bshad la/ des byin gyis brlabs pa ni dpal sha wa ri dbang phyug yin te/ kha cig sa ra ha dang / sha wa ri dbang phyug gcig tu 'dod pa ni mi 'thad de/ 'di dang po gar mkhan pa'i rigs yin par bshad cing / ri phrod dbang phyug ces zer kyang / des grub chen lU hi pa la gdams/ des rjes su bzung ba rgyal po bi ma tsandra'am/ dha ri ka pa dang / slob dpon bram ze'i rigs DaM gi pa gnyis las/ dhA ri ka pas/ slob dpon rdo rje dril bu pa la gdams/ des rus sbal zhabs la/ des dza lendha ra pa la/ des nag po spyod pa la/ des gu hya pa la/ des rnam