[A:21a]pa mngon par shes pa mang du gsungs pas te lo pa yin par yid ches nas phyi bzhin du 'brangs te/ dka' spyad bcu gnyis pa la sogs pa du mas te lo pa mnyes par mdzad pa ni gzhan du gsal lo/ /de nas dbang dang / rgyud dang / man ngag la sogs pa mtha' dag rdzogs par gnang nas/ kye ho/ 'di ni rang rig ye shes chen po ste/ /ngag gi lam 'das yid kyi spyod yul min/ /te lo nga yis ci yang bstan du med/ /rang la rang gis brlan te shes par byos/ /zhes gsungs te/ 'dis ni rgya mtsho dang 'dra ba'i don mtshon pa bstan nas/ khyod sgrub pa snying por gyis shig zhes gsungs nas mi snang bar gyur/ de nas nA ro pas kyang bshad pa dang sgrub pa gnyis ka mdzad cing / bsgoms pas rtogs pa skyes te glur blangs pa ni/ 'char ba med cing nub pa med/ /nyin mo med cing nub mo med/ /bla ma'i rtogs pas rmongs pa bcad de song / /gar 'gro gang du gnas pa ma shes te/ /bde chen gyis ni dbang po'i grong 'di bcom/ /bsam du med pa'i rnal 'byor de las skyes/ /de las bdag gis ci zhig bsam par bya/ /phyogs rnams stong zhes rang yang rnam par bral/ /gang bltas pa de rtag tu de yin te/ /gnyug ma'i yid ni gdod nas stong par song / /rgyu dang 'bras bu btang snyoms dag tu dor/ /'di yi khyad par te lo pa dbang ngo / /zhes gsungs so/ /de lta bu'i slob dpon de'ang rgyal po dpung dang bcas pa reng nus pa dang / tshogs kyi 'khor lo'i dus su shing thog la sogs pa 'gugs nus pa