[A:21b]dang / sbyin sreg gi thab tu 'khor lo bde mchog gi lha drug cu rtsa gnyis zhal blta nus pa dang / ting nge 'dzin gyi rtogs pa brtan po thob pas dngos grub thob par grags shing / rje mar pa'i brgyud 'dzin las brgyud pa rnams ni/ sku tshe 'di la mchog gi dngos grub brnyes par bzhed/ bka' gdams brgyud pa 'di pa dang / bstan pa'i mnga' bdag rje btsun sa skya pa/ zhwa lu bu ston pa rnams bar dor mchog brnyes par bzhed do/ /de la slob ma dpal mchog Dombhi ba/ shanti pa/ jo bo rje/ dha ri pa/ gu su lu ba/ kha che dznyA na dpal/ shar phyogs pa dza ya ka ra ste/ che bar grags pa bdun dang / zhi ba bzang po/ zhi ba'i go cha/ jo bo smr-itti la sogs pa paNDi ta'i slob ma mang po dang / mai tri pa/ phaM thing pa sku mched la sogs pa yun ring bsten pa'i slob ma rnams dang / gzhan yang mkhas grub kyi slob ma dpag tu med pa rnam grol la bkod de/ de'i nang nas shanti pa mkhas pa sgo drug gi nang tshan paN grub mnyam po yin yang / nA ro pa'i zhabs la gtugs nas bde mchog 'khor lo'i dkyil 'khor du dbang zhus/ rgyud man ngag dang bcas pa dang / mahA ma ya dbang rgyud man ngag dang bcas pa gsan cing / jo bo chen po'i bla ma gnas brtan byang chub bzang po la yang / dpal kyai rdo rje'i rtsa rgyud gdams ngag dang bcas pa nos te thugs nyams su bzhes shing / thams cad mkhyen pa gnyis pa lta bur grags pas/ gsang 'dus/ dgyes rdor/ mahA ma ya/ dgra nag la sogs pa'i rgyud mang po dang / nyi khri dang brgyad stong pa la sogs pa'i mdo mang