[A:22a]po dang / mdo sde rgyan la sogs pa'i bstan bcos mang po la 'grel pa mdzad nas/ dpal 'khor lo sdom pa'i rgyud la 'grel pa rtsom par bzhed pa'i tshe/ rmi lam du rdo rje phag mos zhal bstan nas/ kla klo'i skad kyis shin tu sbas pa'i rgyud 'di gsal bar ma 'grol bar/ don zab mo nyams su longs shig ces pa'i lung bstan thob nas/ phyi ru nyan thos kyi spyod pa mdzad/ nang du don zab mo nyams su blangs pas grub pa brnyes pa yin te/ rdo rje gdan pas/ rgyal rigs spyod pa mthar phyin nas/ /'dul 'dzin gsang sngags dngos grub brnyes/ /shanti pa zhes bya ba yi/ /bla ma de la phyag 'tshal lo/ /zhes 'byung ngo / /de ltar nA ro pa dang / shanti pa gnyis kyi yon tan rdzogs par mnga' ba yang jo bo chen po nyid yin te lam yig las/ bi kra ma la shI la'i gtsug lag khang du jo bo rje bzhugs pa'i dus/ nA ro pa byon pa la dge 'dun rnams kyis bsu ba rgya chen mdzad/ nA ro pa'i zhal nas/ jo bo la da ni sangs rgyas kyi bstan pa'i bdag po khyed yin no gsungs/ jo bos/ khyed nyi ma dang 'dra ba bzhugs bzhin du/ kho bo me khyer lta bus 'jig rten gsal bar ga la nus zhus pas/ kho bo yun ring du mi bsdod gsungs/ der zhag nyi shu tsam bzhugs/ lho phyogs su byon te zhag nyi shu tsam na gshegs pa'i gdung rus/ mi 'bral ba'i dam tshig rten rnams dang bcas pa phyag tu byung ba bod du spyan drangs zhes 'byung ngo / /de ltar na jo bos nA ro pa la chos mtha' dag rdzogs par gsan kyang / bar du dpal mchog Dombhi ba 'byung ba/ byin