[A:22b]rlabs kyi brgyud pa yin par lam yig las gsungs te/ de'i lo rgyus ni/ Dombhi pa rigs ngan zhig phyugs 'tsho ba/ nA ro pa yul dbus kyi nags khrod cig tu sgom gyin bzhugs pa la dad de/ nyin re bzhin go la'i shing khres re btsongs pa'i rin gyis bsnyen bkur byas pas/ khyod nga la dad dam gsungs/ dad zhus pas/ 'o na bya ba ngan pa spongs la nga'i nye 'khor du sdod gsungs te/ dbar bskur byin gyis brlabs sgrub pa mdzad pas mchog gi dngos grub brnyes te grags pas kun tu khyab pa'o/ /dus der jo bo bi kra ma la shI la'i gtsug lag khang du yon tan gyi tshogs ma lus shing lus pa med pas thugs rgyud yongs su gang bar gyur kyang / dam pa rnams ni rang rgyud yon tan gyis ngom pa med pa chos nyid yin pas/ skabs cig Dombhi ba'i snyan pa gsan nas gsol ba btab pas/ mnal lam du nam mkha' la dge slong gnyis mi sha lag pa gcig za zhing byung ba/ jo bo la yang gsol zer bas dge slong la sbom por mi 'gyur ram dgongs pa na/ rgan pa la gzhon pas sangs rgyas la 'khrul pa mnga' 'am zer ba la/ rgan pas mi mnga' zer ba'i lan la dgongs te gsol bas/ sang nyi ma dro kha bar ting nge 'dzin cig tu gyur/ phyis dngos su mjal te gsang sngags kyi chos mtha' dag rdzogs par gsan no/ /de dag rnams ni brgyud pa gsum gyi yon tan rdzogs par dpal ldan a ti sha nyid la mnga' tshul zur tsam smos pa ste/ rgyas par gzhan du blta zhing / gzhan yang sngags dang mtshan nyid kyi chos rnams rdzogs par gsan pa'i so so'i brgyud pa