[A:23a]cung zad 'og tu 'byung la/ gtso bor gyur pa ni brgyud pa gsum po de nyid yin par bzhed de/ jo bo snye thang nas dga' ldan du gshegs khar/ bshes gnyen ston pa la bstan pa gtad pa'i tshul/ mi chug par gdams pa las/ ka ba shAkya dbang phyug la sogs pa/ /bod ston thams cad 'dus pa'i slob gral du/ mi chug bsdams pa'i khong gzer zhes bya ba/ /pha rjes bu la bzhag pa'i gnad 'jun 'di/ /mgon po thugs rje can des 'brom la gtad/ /dpal ldan gnas dang rdo rje gdan la sogs/ /gang du bstan pa'i bdag po nas bzung ste/ /byams pa thogs med dbyig gnyen rnam grol sde/ /mchog sde dul ba'i sde dang grags pa'i dpal/ /seng bzang ku sa li dang gser gling pa/ /rgya chen spyod pa'i brgyud kyis kho bo bzung / /nga ni rang byung bcos ma'i bla ma min/ /'brom ston spyi la soms la pha rjes zungs/ /'jam dpal klu sgrub zla ba grags pa dang / /rig pa'i khu byug a wa dhu ti gnyis/ /zab mo lta ba'i brgyud pas kho bo bzung / /lta ba phyogs su lhung ba'i dge slong min/ /'brom ston spyi la soms la pha rjes zungs/ /thugs rje chen po bde gshegs rdo rje 'chang / /chos gzigs te lo pa dang nA ro pa/ /nyams len byin rlabs brgyud pas kho bo bzung / /mdo rgyud rang gar shor ba'i slob dpon min/ /'brom ston spyi la soms la pha rjes zungs/ /bo dhi satwa manydzu shrI bha dra/ /ratna shrI dang dharma rakShi ta/ /shanti pa dang ratna a ka ra/ /wa ki shwa ra bram ze dze ta ri/ /brgya dang lnga bcu'i