[A:23b]tshogs rab bcas pa yi/ /bla ma rnams kyi mdo rgyud gzhung 'grel dang / /man ngag brgyud pas kho bo rjes su bzung / /bla ma bslu ba'i slob ma nga ma yin/ /kho bo rgyal po smra ba lan cig yin/ /'brom ston spyi la soms la pha rjes zungs/ /zhes gsungs pas so/ /bzhi pa srol 'dzin a ti sha'i rnam thar ni/ jo bo chen po 'di nyid ni bskal pa dpag tu med pa'i sngon rol tu/ bcom ldan 'das thub pa chen po dang thugs mnyam du bskyed cing / ston pa sangs rgyas pa'i dus/ rgyal sras bzang skyong zhes par bzhugs shing / skal bzang 'di la sangs rgyas kyi mdzad pa ston par bka' gdams bla ma rnams kyi gsung las 'byung / sku skye ba 'di'i rnam thar thun mong du grags pa rnams lam yig tu 'byung ba dang / thun mong ma yin pa snod min la gsang ba rnams zur du rgyas bsdus du ma snang yang / 'dir gdul bya thun mong ba dang gtso cher mthun pa zur tsam bkod na/ shing mo glang la bod du rgyal po glang dar gyis bstan pa nub par byas pa de nas/ lo don brgyad song ba'i dus/ jo bo chen po sku 'khrungs te/ de'i rnam thar ni paNDi ta sa'i snying po dang / lo tsA ba nag tsho gnyis kyis/ pho brang na bzhugs pa'i dus dang / thar par gshegs pa'i yon tan gnyis su gsungs pa'i/ dang po la gnyis/ longs spyod dang rigs phun sum tshogs pa'i tshul dang / rten de la yon tan mnyes tshul lo/ /dang po ni/ rdo rje gdan gyi shar phyogs bhaM ga la za hor gyi yul na/ grong khyer chen po bi kra ma la pu ri zhes pa/ mi khyim 'bum phrag nyi shu rtsa bdun yod pa'i dbus na/ pho brang