[A:24a]gser gyi rgyal mtshan zhes pa gser gyi rgyal mtshan stong phrag nyi shu lnga/ skyed mos tshal dang rdzing bu lnga stong / ta la'i phreng ba bdun gyis bskor ba/ mdor na longs spyod dang mnga' thang 'byor pa rnams rgya nag stong khun rgyal po dang mnyam la/ der yab rgyal po dge ba'i dpal dang / yum dpal mo 'od zer can gnyis la/ sras gsum 'khrungs pa/ padma'i snying po/ zla ba'i snying po/ dpal gyi snying po gsum las/ 'bring po zla ba'i snying po bla ma rje btsun 'di nyid yin te/ paNDi ta sa'i snying pos rigs phun sum tshogs par bstod pa las/ shar phyogs za hor yul mchog na/ /de na grong khyer chen po yod/ /bi kra ma ni pu ra yin/ /de yi dbus na rgyal po'i khab/ /gser gyi rgyal mtshan can zhes bya/ /longs spyod mnga' thang 'byor pa ni/ /rgya nag stong khun rgyal po 'dra/ /yul de'i rgyal po dge ba'i dpal/ /btsun mo dpal mo 'od zer can/ /yab yum gnyis la sras gsum mnga'/ /padma'i snying dang zla ba'i snying / /dpal gyi snying po zhes bya 'o/ /rgyal po padma'i snying po la/ /btsun mo lnga yod sras ni dgu/ /sras kyi thu bo bsod nams dpal/ /da lta'i dus na mkhas pa che/ /dha na shrI zhes bya bar grags/ /chung ba dpal gyi snying po ni/ /dge slong bidya tsantra yin/ /'bring po zla ba'i snying po yin/ /da lta bla ma rje btsun yin/ /zhes 'byung pa ltar ro/ /gnyis pa rten de la yon tan brnyes tshul ni/ chu pho rta lo la pho brang gi yang thog tu 'khrungs ma thag thog mtshams na utpa la sngon po skyes pa 'khor kun gyis mthong ste/ rgyal bus sgrol ma'i zhal dngos