[A:44a]ma yin pa la lags mod zhus pas/ kho bo 'di dang 'di la'ang mkhas gsungs nas/ lo tsA bas rna bar ma thos pa'ang mang po bton nas byung / der lo tsA ba'i nga rgyal thams cad zhi/ de nas paNDi ta'i zhal nas/ 'du bla/ mdo sde/ mngon pa/ gsang sngags la sogs pa du ma las brtsams te/ 'di shes sam 'di shes sam zhes dris pas/ kho bo de la'ang mkhas zer ba min pa ma byung / paNDi ta de la shin tu mnyes nas khyed lta bu yod pa la kho bo bod du 'ong mi 'tshal ba 'dug pa la zhes pa'ang gsungs/ yang lo tsA ba de dag thams cad gdan thog gcig tu hril nas nyams su len pa ji ltar byed gsungs pas/ lo tsA ba na re/ theg pa ma 'dres so sor gsal/ /bya ba khyed la ma 'dres par/ /rang sar nyams su len lags mod/ /zhus pas/ jo bo'i zhal nas/ lo tsA ba ngan par thal/ bod la kho bo dgos par 'dug gsungs nas lan gzhan mi smra bar bzhugs/ de'i nub mo lo tsA bas nam thun gsum du bgos nas/ gnas gsum du rim gyis theg pa'i mtho dman dang bstun te bsgoms pas/ khong gi spyod pa thams cad paNDi tas mkhyen nas/ nangs par lo tsA ba tsab ta tsob ta mang pos ci bgyi/ gang zag dam pa rdo rje'i gdan non dgos pa yin gsungs/ der lo tsA bas/ theg pa'i nyams su len lugs zhus pas/ lo tsA ba/ des mi 'ong gsungs/ 'o na khyed rang ji ltar mdzad lags zhus pas/ ci zer/