[A:44b] gnas gar sdod/ grogs su dang 'grogs/ spyod lam ci byed kyang 'dul khrims la gzhi byas la/ sems can thams cad ma yin pas der bsgom dgos/ ma ltar dag snang sbyongs/ lha skye med yin pas der sgoms/ 'dril ma shes na snying po mi lon zhes gsungs nas/ 'di skad du/ khrims ni yon tan kun gyi gzhir/ /rang gi ston pas legs par gsungs/ /snying rje chen po dang 'brel ba'i/ /byang chub sems ni mchog tu bsngags/ /bzang rtog mtshan mas ma bcings pa'i/ /bskyed rdzogs zung 'brel nges 'tshang rgya/ /skyes bu chung dang cher gyur pa'i/ /bya ba 'di yin 'bring po la'ang / /mi rtag brtson pas bskul ba gces/ /rang dga' spangs nas rgyal ba'i bka'/ /rgyas par 'byed pa mkhas pa yin/ /snying por bsdus nas nyams len pa'i/ /skyes bu de ni bzang por grags/ /las 'bras khyad du mi gsod pa'i/ /bag yod can de btsun par bzhed/ /kun shes gcig sdug mkhas pa'i skyon/ /lag len mi byed 'chal ba yin/ /blang dor mi byed btsun po'i gsog /shes par mdzod cig rin chen bzang / /thugs rje chen pos bskul bar zad/ /ces gsungs/ lo tsA bas dam par shes nas/ lha yi lhar gyur paNDi ta/ /rnam dag sku mchog khrims kyis spras/ /don gnyis 'byor pa'i nor gyis phyug /grol nas 'dren par kho bos 'tshal/ /kho bo'i lung rigs sgron me yis/ /sbas pa khyod kyi yon tan mthong / /sngon chad tshig dang 'gal na yang / /da ni khyod bzhin nyams