[A:94]gyi shugs can du grags pa zhes 'chad do/ gang na'ang lan rjes ma byon pa'i tshe/ bla chen 'brog mi zhi bar gshegs pas/ 'brog mi yod na bdag pha bu sgrub pa mnyam du byed pa yin te/ zhes thugs la bcags pa'i gsung byon te/ dpal ldan sa skya btab nas lo so gcig pa sa chen gyis bcu gnyis pa bzhes pa'i chu mo lug gi lo/ mkha' reg thod pa'i yang dben du 'od kyi gong bu'i 'pho ba'i 'da' kha ma'i sgo nas mkha' spyod du gshegs so/
'ga' zhig/ bde mchog snyan brgyud ni mar pa do pas rgya gar skad thogs kyi chos brgya rtsa brgyad brtsams pa'i nang tshan yin zhes dang / rngog gi gze ma ra mgo las/ ma mo'i brgyud lung dkrugs pa las// ga ya dha ra'i gser chos byung // zhes ci rtol gyi gtam smra ba ni rgya gar gyi pan grub shraddha ka ra dang thub pas byon ni sogs kyis gsung ngag gi cha shas ji ltar rigs pa'i gtam blang ba ma thos shing / rang nyid la med pa rgyu mtshan du byas pa'i bab col du shes par bya'o/
dam pa sangs rgyas bod du lan lnga byon pa'i lan lnga pa ding rir gdan phab nas 'gro don mdzad ces pa'i dus skabs kyang / ga ya bod du byon pa'i skabs 'di tsam yin par mngon te/ de yang dang po mgrin thang las sgo nas tsA rir byon/ gnyis pa kha che nas mnga' ris su byon/ gsum pa bal po nas byon pa na yar lungs kyi smang ra ser po dang mjal te de dang 'grogs nas gtsang du skyo bsod nams bla ma dang / smang ra ser po la gcod skor gnang / bzhi pa shab 'ug ltag sgo nas dbus su rma so kam gsum sogs kyi don mdzad/ lnga pa ni de nas rgya nag tu byon lo bcu gnyis bzhugs nas slar