[A:5]po rtsis kyis gtan la phab pa'o/
dang po ni bskal bzang / 'dul lung / mdzod 'grel sogs las bstan pa lo stong gnas par bshad/ snying rje pad dkar sogs las phyed dang nyis stong gnas par bshad/ zla ba'i snying pos zhus pa'i mdo sogs las nyis stong gnas par bshad/ rdo rje gcod pa'i 'grel par phyed dang sum stong gnas par bshad/ dbyig gnyen gyis 'bum Tika sogs las lo lnga stong gnas par bshad/ dga' ba'i bshes gnyen gyi rtogs pa brjod pa las yar 'phel drug brgya pa'i bar du yang gnas par bshad pa dang drug yod pa'i/ so so'i lung ni mang bas ma bris so/
gnyis pa ni de ltar drug las lnga stong du gnas par bshad pa ni/ sgra ji bzhin pa'i nges don gyi tshig yin te/ lnga brgya phrag bcu'i/ lnga brgya phrag dang po gsum la rim bzhin dgra bcom pa/ phyir mi 'ong / rgyun du zhugs pa'i 'bras bu thob pa mang du 'byung bas/ 'bras bu'i dus kyi lnga brgya phrag gsum zhes bya zhing / de gsum la 'bras bu'i bstan pa gnas so/
de nas lnga brgya phrag gsum la rim bzhin lhag pa'i shes rab kyi bslab pa/ ting nge 'dzin gyi bslab pa/ tshul khrims kyi bslab pa rnam par dag pa la gnas pa mang du 'byung bas/ sgrub pa'i dus kyi lnga brgya pa phrag gsum zhes bya zhing / de gsum la rtogs pa'i bstan pa gnas so/
de nas lnga brgya pa phrag gsum la rim bzhin mngon pa'i sde snod/ mdo sde'i sde snod/ 'dul ba'i sde snod shes pa mang du 'byung bas lung gi dus kyi lnga brgya pa phrag gsum zhes bya zhing / de gsum la lung gi bstan pa gnas so/