[A:6] de nas lnga brgya phrag gcig la ni rtags tsam 'dzin pa las lung rtogs kyi bstan pa rnal ma med pas/ rtags tsam 'dzin pa'i lnga brgya pa phrag gcig ces bya'o/
'o na stong sogs su gnas par bshad pa dang mi 'gal lam snyam na/ mi 'gal ba'i rgyu mtshan/ de dag ni drang don dgongs pa can te/ de yang dgongs gzhi/ stong nas phyed dang sum stong gi bar la mi gnas par bshad pa ni 'bras sgrub kyi bstan pa la dgongs/ yar 'phel thug gnas par bshad pa ni/ sku gdung dang glegs bam sogs gnas pa tsam la dgongs/ dgos pa phyed dang sum stong gi bar tsam las mi gnas par bshad pa ni gdul bya skyo ba bskyed de chos la bskul ba'i ched dang / yar 'phel thug gnas par bshad pa ni/ ha cang zhum pa gzengs bstod de chos la bskul ba'i ched yin la/ dngos la gnod byed ni lha mo dri ma med pa lung bstan pa'i mdo las/ nga yongs su mya ngan las 'das nas lo nyis stong lnga brgya na gdong dmar can gyi yul du dam pa'i chos dar bar 'gyur ro/ zhes ston pa 'das nas lo phyed dang sum stong nas gdong dmar can gyi yul du bstan pa dar bar lung bstan pas gnod pa'i phyir ro/
gsum pa de nyid rtsis kyis gtan la phab pa la bstan bshad gnyis kyi dang po la'ang gsum/ mkhas pa'i bzhed pa'i rnam grangs bkod/ rang nyid 'thad pa'i lugs srol ngos gzung / gzhan gyis btags pa'i rtsod pa spong ba'o/
dang po la bzhi/ 'khrul pa zad pa'i rje btsun sa skya pa'i lugs/ byang