[A:180]
slob ma yang chos rje bla ma dang / ka bcu pa gzhon seng sogs byon zer/
byang sems rgyal ye'i slob ma ni/ mkhas btsun yon tan rgya mtsho ste mdog gi spen par byon/ chung ngu nas sa skyar 'jam dbyangs pa la sogs pa bsten/ phyis jo nang du sbyor drug gsan nas gdan sa bskyangs/
de'i slob ma ni kun mkhyen chen po zhes bshad zin la/ kun mkhyen dol bu bas lo bdun cu bzhugs/
slob ma'i mchog kun spangs chos grags dpal/ lo tsA ba blo gros dpal/ phyogs las rnam rgyal/ sa bzang ma ti pan chen te sras kyi gtso bo bzhi'o/
gzhan yang 'jam dbyangs chos dpal mgon po/ g.yag sde pan chen/ 'jam sngon 'jam sgeg/ snar thang pa mchims blo bzang grags pa/ chos lung mkhan po bsod nams bzang po dang grags pa rgyal mtshan gnyis/ bla brang pa bzang po dpal/ thang chen pa kun dga' 'bum sogs mang du yod do/
kun spangs chos grags dpal ni/ g.yas ru byang gi dpon yon btsun chen po grags pa dar gyi gcen dpon kun dga' rgyal mtshan gyi sras te/ dpang lo/ dpal ldan seng ge/ bu dol la sogs pa'i mkhas grub mang du bsten/ bzang ldan chos rje 'ga' rong chud kha chos sde sogs chos grwa btab/ bstan pa'i rgyun la phan pa cher mdzad do/
sa bzang ma ti pa ni mdog spang bor du byon/ bzang ldan gyi mkhan po thog ma yang mdzad/ mkhas shing 'phrin las rgya che bar byung ngo/