R241: bstan rtsis gsal ba'i nyin byed/ tha snyad rig gnas lnga'i byung tshul blo gsal mgrin rgyan/ {bod yig glog rdul dpe cha/}

  • Pagination (Witness A): 236
[A:236]yod du sngags kyi chos 'khor bskor/ phyi lo de la mnyan yod du bdag cag gi ston pa 'khor gnas brtan gyis bskor ba dri'i gtsug lag khang dang bcas pa bzhengs/ don gcig pa phag lor rab gnas kyis mnga' gsol/ nyin kyi don gnyis su sleb pa/ mnyan yod thebs nas lo bcu drug pa shing pho byi lo dpyid zla ra ba'i nyer gcig la dag pa'i zhing du gshegs/ / rje 'di nyid kyis mdo sngags kyi chos gsan pa'i tshul yang rje ngor chen yab sras la sa skya ngor lugs/ bdag chen rgya gar ba dang rnal 'byor pa bstan 'dzin dpal sogs la sa skya rdzong lugs/ bshes gnyen blo gros rgyal mtshan la rje btsun bo dong pa'i de nyid 'dus pa/ stag lung ngag dbang grags pa la dwags po bka' brgyud dang ras chung snyan brgyud sogs/ mkhyen rab yon tan dpal 'byung la shangs pa dka' brgyud dang ri chos sogs/ ka tog nor bu bzang po la rdzogs pa chen po'i skor sogs/ rnal 'byor rdo rje'i mtshan can la zhi byed sogs te/ ji ltar gsan pa de dag kyang gnas nges med du legs par dgongs pas dus 'das pa kho na lags shing / bshad sgrub kyi bstan pa ches cher gsal bar mdzad/ khyad par rigs pa'i gnad zab mos blo gsal la nges pa bde blag tu skye ba la paN chen 'di'i 'phrin las kyi rgyun kho na bka' drin che ba yin no/ thugs sras bstan 'dzin gyi bu slob kyang / thugs sras 'phags mchog klu sgrub/ ar ston [-] /blo gros rgya mtsho/ kun mkhyen lcags thang chos rje/ rgyal ba dkon mchog dpal ba/ lha byang gi lha dbang rnam gnyis/ 'jam mgon blo gros bkra shis sogs bsam gyis mi khyab pa byon/