[A:237] 'jam dbyangs kun dga' mchog (chos ) bzang ni/ chu mo glang de nyid la glo bo 'brog gseb tu byon/ bcu pa la brag dkar grags rgyal ba la dge bsnyen gyi sdom pa nod/ bcob brgyad pa la glo bo bdag pos sa skyar grwa bskor dang dbus gtsang du slob gnyer ba brgya phrag gsum tsam rdzong brda gnang ba'i skabs su/ dpal ldan sa skyar blo gros gzhon nu'i bshad gsar dang / ngor du rje btsun rdo rje 'chang dang mjal/ bcu dgu pa la e waM chos ldan de nyid du/ rdo rje 'chang gis mkhan po/ brag dkar sems dpa' chen po kha char ba zhes grags pas slob dpon/ gcung gzhon nu seng ges dus go ba mdzad de rab tu byung / bcu dgu pa lug gi lo la ston chos grwa chen po 'bras yul du phebs/ byams chen rab 'byams pa dang mjal/ nyin kyi nyi shur son zhing / rje byams chen chos rje'i zhe gnyis pa skyed tshal thebs nas lo bzhir sleb pa'i lcags pho sprel lo nas byams chen rab 'byams pa lus dang grib ma ltar bsten cing / gsung gi bdud rtsi mdo sngags kyi zab bcud la tshibs par rol/ sum cu pa la byams chen rab 'byams chos rje dang / go rams chos rje mkhan slob las bsnyen par rdzogs/ so bzhi pa khyi lo nas/ paN chen 'bum pa gnyis kyi zur 'chad mdzad/ rgyal ba'i bstan pa phan tshun 'gran pa bzhin du rgyas par mdzad/ nyid kyi nga gsum pa shing mo sbrul lo byams chen rab 'byams pa dag pa'i zhing du gshegs/ lnga bcu rtsa bzhi pa me pho rta lo nas skyed mos tshal gyi gdan seng ge'i khri la zhabs sen bkod ba'i sgo nas don gcig bzhes kyi bar du mdo sngags kyi bstan pa bskyangs/ don gcig pa chu mo phag gi zla ba bcu pa'i tshes bcu gcig la zhi bar gshegs/