[A:289]bas mdzad pa'i sdeb sbyor rin chen 'byung gnas dang / 'phags pa 'jam dpal gyi brita ma la sogs pa gsan nas legs par khong du chud/ de dag gi don 'grel pa la sdeb sbyor sna tshogs me tog gi chun po mdzad de rig gnas 'di'i srol legs par phye ba yin te/ gzhung de nyid du/ sngon chad gangs ri'i khrod dir mkhas rnams kyi/ /rna ba'i snod du nye bar ma lhung zhing / lce yi dbang po kun nas ma myangs pa/ /ro brgya'i 'byung gnas dpag bsam shing 'di skyed/ /ces gsungs shing / bstod pa mdzad pas kyang / dmar ser rgyal lha'i lugs las khyad par du/ /yon tan brgyad kyis 'phags pa'i sdeb sbyor gzhung / br-itta dzA ti'i ngo mtshar rtogs byed la/ /zhi ba'i zhabs dang khyod blo mthun mong gyur/ /zhes gsungs so/ /
snyan ngag gi rig pa ni/ rje btsun chen po grags pa rgyal mtshan la skyes rabs so bzhi pa dang / gzhon nu ma bdud gyi rtogs pa brjod pa la sogs pa'i skyes rabs kyi rigs du ma gsan cing / paNDi ta sangga shrI la snyan ngag gi bstan bcos chen po gsum dang chung ngu gsum/ rgyan gyi bstan bcos dbyangs can gyi mgul rgyan stong phrag brgyad pa dpag bsam 'khri shing la sogs pa mtshan nyid dang mtshan gzhi ston pa'i bstan bcos mang du gsan zhing / lhag par daNDi'i tshig rgyan la mkhas par bslabs te/ de dag gi brjod don ma lus pa mdor bsdus pa'i pa'i tshul gyis/ mkhas pa 'jug pa'i sgor gtan la phab pas rig gnas 'di nyid kyi srol bla na med pa phye ba yin te/ bdag nyid chen po'i gsung las/ 'ga' zhig sgra dang rnam par dbye ba dang / khams dang byed tshig dpe dang tshig gi rgyan/ /dbye bsdu grangs dang go rim nges pa