[A:290]la/ /'di na phal cher rmongs par mthong nas 'dir/ /mang du thos shing mthong nas goms pa dang / /man ngag dbang gis dpal ldan kun dga' yi/ /rgyal mtshan 'di na 'ga' tsam 'chad pa la/ /mkhas pa rnams kyis dga' ba bskyed de nyon/ /zhes gsungs shing / /bstod pa mdzad pas kyang / /dbyangs can lang tsho zag zad ye shes kyi/ /rtse dgas thugs yid gcugs pa'i seng ge brtsen/ /tshig rgyan bal la ki ste lha'i rol sgras/ /yid bsgyur khams gsum dbugs 'byin snyan ngag mkhan/ /zhes gsungs pa yin no/ /
de bzhin du mngon brjod kyi rim pa yang bod du yongs su grags pa'i sde snod gsum dang rgyud sde bzhir gsungs pa'i ming gi tshogs mtha' yas pa dang / de dag kyang 'dod rgyal dang / rjes grub 'dra 'brel sogs so sor phye zhing / bkas bcad thog mtha' bar gsum du grags pa ltar/ brda gsar rnying gi bye brag thams cad legs par phyed cing / lhag par mkhas pa chen po dge 'dun dpal las mngon brjod kyi bstan bcos las yi ge re re'i mngon brjod gsan cing bsgyur/ a ma ra ko Sha dang / sna tshogs gsal ba'i 'grel pa dang bcas pa gsan cing / de dag sde gsum mam bzhir 'dus shing / rtags gsum gyi rnam dbye legs par phyed pa'i sgo nas rig gnas 'di'i srol cher btod pa yin te/ nyid kyi gsung las/ byang phyogs 'di na tshig la mkhas pa med/ /legs par shes nas 'chad pa kho bo tsam/ /rtags kyi dbye ba phal cher 'dir mi 'jug /'on kyang bod la mkho ba tsam zhig bsdu/ /zhes gsungs shing / bstod pa mdzad pas kyang / tidra supra mtha' dang rtags kyi rnam dbye sogs/ /so sor ma 'dres sna tshogs mngon brjod dag /'chad mkhas mtha' yas ming la