[A:292]de bzhin du bzo rig pa yang rgya bod kyi mkhas pa rnams las legs par sbyangs shing / ri mo dang sku gzugs kyi mtshan nyid dang / cha tshad la sogs pa mdo rgyud kyi lung dang mthun par mkhyen cing / zhar byung brtag pa rnam pa brgyad kyang khong du chud/ de dag gi mtshan nyid ston pa'i sku gzugs kyi bstan bcos dang / brtag pa'i bstan bcos sogs yod par gsungs kyang / deng sang dpe rgyun mthong ba ma byung la/ de'i phyir nyid kyi gsung las/ shes bya'i me tog yon tan dri bsung can/ /snyan pa'i mdog mdzes kun gyis bsngags na yang / /sbrang rtsi 'dzin pa kun dga' rgyal mtshan dpal/ /bzang po min pas shes bya'i bcud ma rnyed/ /ces gsungs shing / de bzhin du bston pa mdzad pas kyang / lus ngag yid dang bzo dang mchog phal gyi/ /gzugs brnyan bskrun la tshad dang 'phrul gyi dbyibs/ /sna tshogs byed po las tshul mtshar sdug gi/ /tshon brgya 'dren pa dpyod ldan dga' ba'i gnyen/ /zhes sogs dang / gso ba rig pa'i tshul yang / spyir phyi nang gi gzhung lugs du ma las byung ba rnams dang / khyad par yan yag brgyad pa'i snying po 'grel pa zla zer dang bcas pa thugs su chud cing / de dag gi don legs par ston pa'i bstan bcos yan lag brgyad pa'i bsdus pa zhes bya ba mdzad pa yin te/ ji skad du/ bstod pa mdzad pas/ ma rig rtsa ba zhi brgya rtsa bzhi'i nad/ /'phel zad 'khrug pa'i gnyen po tshe'i rig byed/ /thar pa'i 'tsho srog bsrung ba'i thabs tshul stong / /ji bzhin mkhyen pa de 'dra gzhan gyis min/ /zhes gsungs so/ /
nang rig pa ni/ rgya bod kyi bla ma rnams las/ bsam pa'i ra ba las