[A:293]'das pa zhig gsan zhing / khyad par rje btsun chen po grags pa rgyal mtshan gyi bka' drin gyis/ mdo rgyud thams cad la mi 'jigs pa'i spobs pa thob/ lung dang rtogs pa'i yon tan thams cad mnga' ba yin pas/ de'i tshul rgyas par su zhig gis brjod par nus/ che long tsam brjod na yang mang du dogs pas 'dir rgyas par ma spros la/ dpyod ldan dag gis gzhan du shes par gyis shig
de dag gi tshul ston pa'i bstan bcos kyang / gzhung lugs legs bshad/ thub pa dgongs gsal/ sems bskyed chen mo/ sdom gsum rab dbye/ bdag med bstod 'grel la sogs pa ji snyed cig yod pa yin pas bka' 'bum du shes par bya'o/ de bzhin du nyid kyi gsung las kyang / bstan pa'i 'jug der bstan la rab gus shing / /bstan pa mtha' dag bsrung zhing 'dzin 'dod pa/ /shAkya'i dge slong kun dga' rgyal mtshan dpal/ /bzang pos bstan la phan phyir 'di sbyar ro/ /zhes gsungs shing / de bzhin du bstod pa mdzad pas kyang / yongs 'du'i tshal du kumbhi da ra dang / /'od ldan tshogs pa'i mkha' nang nyin byed ltar/ /mkhas mang 'dus pa'i dubs na thams cad mkhyen/ /khyod dang mtshungs pa sngon dang phyi mthar su/ /zhes gsungs so/ /de ltar na rig gnas rnam pa bcu'i srol legs par phye nas gangs ri'i ljongs kyi blo gsal dag mkhas pa mkhas pa zhes bya ba'i grangs su chud cing / rigs pa dang mi rigs pa'i tshul mtha' dag 'byed shes pa ni rje btsun nyid kyi sku drin yin la/ de lta bu'i rnam par thar pa gzhan la son par bzhed nas/ nyid kyi gsung las/ sgra pa nga yin rtog ge pa nga smra ba ngan 'joms nga 'dra med/ /