[A:298]'grel shong 'gyur zhes yongs su grags pa'i mkhas pa thams cad 'gyur legs pa rang du mdzad pa 'di mdzad/ slar rdo rje gdan du byon nas mahA bo dhi la mchod pa dang skor ba mdzad/ paNDi ta lakShim ka ra spyan drangs nas/ dpag bsam 'khri shing / klu kun tu dga' ba'i zlos gar/ snyan ngag me long / 'jig rten dbang phyug gi bstod pa brgya pa/ 'jam dpal gyi bstod pa br-i ta ma la/ tsandra pa'i mdo sbyor ba'i rtsa 'grel/ bzlog pa bsdus pa rtsa 'grel/ slob dpon su pa rakShi tas mdzad pa'i smra ba kun la 'jug pa rtsa 'grel/ slob dpon se ge bzang pos mdzad pa'i rnam dbye'i le'ur byas pa la sogs pa sngon ma 'gyur ba bsgyur/ 'chi med mdzod la 'gyur mchan mdzad nas/ sgra snyan ngag gi bshad rgyun spel/ 'phags pa rin po ches kyang sde snod 'dzin pa shong lo tsA ba'i snyan du gsol ba zhes pa'i 'phrin las yig mdzad pa na/ dpal dus kyi 'khor lo'i rgyud 'grel pa dang bcas pa rgya che la zab cing gting dpag par dka' ba/ tshig brling zhing sdeb sbyor byings che bas chen po rnams kyis kyang nyams su len dka' bas sngon byung gi lo tsA ba dag gis kyang ma 'gyur ba dang / log par bsgyur ba dang / rnam grangs gzhan dang phyogs re ba dang / thar bar bsgyur ba la sogs pa de dag khyed kyis legs par khong du chud cing nges te/ zhu chen mdzad pa'i glegs bam dang / klu rnams kun tu dga' ba'i zlos gar mthong bas/ dge ba dang rjes su yi rang ba khyad par can skyes zhes rab tu bsngags/ sgra bsgyur rnams kyi gtsug gi nor bur gyur to/
de nyin kyi dpon po shong lo tsA ba blo gros brtan pas gsan te/