[A:299]de ni 'phags pa rin po che'i sras kyi thu bor gyur cing / se chen rgyal pos kyang bla mar bkur bas gzhi 'gyur dang 'gyur 'chos mang po mdzad/ gcen gyi yon tan bum pa gang byo'i tshul du mkhyen cing / khyad par du dus 'khor dang tha snyad rig pa'i gnas la mkhas pa'i slob ma mang du thon/
de la lo tsA ba mchog ldan dang / sgra tshad pa rin chen rgyal mtshan gnyis kyis gsan la/ lo mchog pa ni mang mkhar khra tshang du sku 'khrungs/ 'phags pa rin po che las rab tu byung / mtshan mchog ldan legs pa'i blo gros dpung rgyan mdzes pa'i tog ces rang nyid kyis 'dogs par zhus pa bzhin btags la/ phyis lo mchog pa zhes grags/ shong sku mched las dbang rgyud man ngag gsan/ ka tsan la sogs pa rig gnas mtha' dag bslabs/ bod na 'gyur ro 'tshal gyi dbang gdams ngag bka' bstan bcos phal mo che'i lung mnga' bas/ bod kyi dge ba'i bshes gnyen mang po'i bla mar gyur/ de'i slob ma ni/ dpang lo tsA ba blo gros brtan pa ste/ la stod lho spyang lung gi 'o 'bu gyam du me pho byi ba la 'khrungs/ gdung dpang / yum snga mo nas grongs te lug gi 'o mas gsos pas lu gu zhes grags/ kho bo ba'i 'o mas gsos na legs pa la blun po rnams kyis lug gi 'o ma byin pas blo gros kyi phyed 'gribs su bcug gsung / grub chen o rgyan pas bu chung de la dge bshes chen po zhig 'ong bas 'di byin gsung nas/ ja gsol 'phro zhig gsol zhal dang bcas pa bskur/
lo lnga pa la rgod tshang pa'i gdan sa/ byang gling pa las dge bsnyen nod/ mtshan blo gros brtan par btags/